男女打機邊個勁啲？ 花費金錢時間決定強弱

不少人都認為， 男仔打機比女仔打得好， 但究竟男女打機邊個勁？ 有什麼準則呢？ 相信最多只能夠話打得競電都是男性。 而最近就有大學進行研究（ 研究的教授是一男一女， 睇怕感覺係茶餘飯後拗起邊個打機勁， 先至諗到呢個題目研究 ）， 發現雖然有大約一半機迷是女性， 但由於長年在遊戲界的性別歧視， 令到女性會花在遊戲的時間較少。

根據由加州大學的 Cuihua Shen 與密歇根州立大學 Rabindra Ratan 進行的研究發現， 一直以來女性在遊戲中經常被排擠， 被指不會認真去打機， 甚至受到死亡或強奸威脅。 而兩名研究人員便向不同的遊戲伺服器入手， 研究當中男女玩家的升 LV 表現， 發現原來性別並不會對升級時間造成分別， 反而是打機的時間有所不同， 因為女性玩家在玩遊戲的時候， 便會花更多時間在遊戲的社交功能上， 與不同的用家溝通， 並建立更長期的關係， 而並非女性打機差。

金子、Sadie、杯麵的曝光率都幾高，加上樣靚，應該唔少人「R」水吹，相對可以打機嘅時間自然變少，都好正常。

來源：AP News