【又賣 NFT ？】百幅蒙娜麗莎係展覽定濫展
2022-05-03外國一間初創公司 Adversa 喺 OpenSea 上搞咗個以售價 NFT（非同質化課幣）嘅展覽，展覽內容竟然係 100 幅望落一模一樣嘅蒙娜麗䔋（Mona Lisa）畫像。到底搞邊科？原來呢個展覽係有多重意義，首先當然唔少得賣 NFT 啦，不過更重要係，呢 100 幅畫像原來經過特別處理，雖然喺人類眼中睇落係蒙娜麗䔋，但喺AI 人工智能嘅人臉辨識技術「眼」中，竟然會係另外 100 個明星肖像！
原來一切都係主辦單位做嘅手腳，官方嘅網站上表明佢哋想展示嘅唔係蒙娜麗䔋畫像，而係點樣可以呃到人工智能。為咗證明用嚟做人臉識別嘅技術有代表性， Adversa 採用咗 Google 嘅 FaceNet 技術，再配合業界用嚟訓練人臉辨識嘅數據套件 VGGFace2作用認樣工具，而佢哋所做嘅嘢就係將俗稱為雜訊嘅特製對抗樣本（adversarial examples），加入 100 幅蒙娜麗䔋畫像入面，於是就可以令到人工智能演算法出錯，令系統誤以為畫像入面係另外100 個明星。
就咁睇係無辦法睇到每幅畫像究竟會被誤認為邊個明星，不過如果大家想知，就可以用加密貨幣去購買畫像，之後就可以用 token 睇到畫像背後到底係邊個，呢個展覽唔單只有網絡安全教育意義，亦有趕上NFT 炒賣潮流，比起最近本地 KOL 發售嘅 NFT似乎更有內涵。