【 宅男噩耗 】川口春奈 拍劇制服誘惑 撻着「小白臉」窪田正孝捱轟

日本女星川口春奈自從年頭爆出男友福士蒼汰另結新歡後，個個宅男都等睇春奈妹嚟個大解放「賀一賀佢」。當然世事嘅嘢邊有咁盡如人意，泳裝就等唔到喇，反而春奈妹就喺新劇《小白臉》（ヒモメン）扮演俏護士，宅男都叫勉強收貨。

不過，班宅男睇睇下就愈來愈覺得唔對路，事關套劇一如個名咁，係講春奈妹養小白臉窪田正孝，宅男緊係FF自己係男主角「又食又拎」。但結合埋春奈妹近日係咁喺IG度宣傳，不斷提住窪田正孝個名，噚晚仲上載埋個蛋糕幫對方慶祝生日，搞到宅男亮起晒紅燈，擔心被甩拖嘅春奈被人乘虛而入⋯⋯

話時話，其實窪田正孝都幾唔得觀眾緣，佢喺《死神筆記》做新夜神月真係幾弱智⋯⋯如果佢真係溝咗春奈妹，暴動都似。

來源：川口春奈IG