〔金仔韓遊〕原隻八爪魚上枱大王海鮮八爪魚食顏值

2016-08-22 Off By 金仔

去得韓國玩，怎會不吃烤肉，其中五花腩更加是必食，因為當地的靚豬肉，香港都不是經常吃得到。嫌吃得太多豬肉，令到你變成肥豬肉？或者去這間大王海鮮八爪魚包菜包肉餐廳（대왕해물문어보쌈）的鋪頭更合你心水，因為不單止有五花腩，還有大量海鮮，其中原隻八爪魚更加是「顏值味道」兼備，邊吃五花腩邊吃海鮮，應該少好多罪疚感。

其實這間大王海鮮八爪魚包菜包肉餐廳，在韓國屬於連鎖式經營，有 19 間分店之多，要去當然是晚市有原隻八爪魚食，當服務員拿上一個兩層的海鮮塔，上面有章魚串、魷魚、大蜆、大蝦、五花腩、鮑魚、帶子之餘，更有大大隻的原隻八爪魚，完全將所有人「相機先食模式」啟動，味道如何都已經不算是重點，影張靚相最重要。

而為了達到保溫效果，中間會設有一個小蠟燭，就算你影相影得耐，都不會變成冷盤。你以為看上去份量不算多？你要明白八爪魚、魷魚、鮑魚全部都是頂胃菜，所以真正吃起上來都好夠食。如果仍然覺得不夠，店內都有刀削麵提供，加埋一定夠吃。

至於價錢方面，中午由 11:30 至 15:00 有午餐供應，由 8,000won 至 15,000won （約 $56 至 $105 ）不等。至於晚市就貴一點，大王海鮮章魚五花腩套餐共分三種，最貴是 48,000 won（二人份）（約 $337 ）及 65,000won（三至四人份）（約 $457 ）不等，看不懂韓文？沒間題，最重要看得懂圖就得。