哥斯拉對福音戰士 三式機龍 初號機塗裝熱賣
2016-06-03之前已報導過《 新世紀福音戰士 》會同《 哥斯拉 》有合作活動，推出第四代機械版哥斯拉「 三式機龍 」的初號機顏色塗裝版大膠，這款大膠高30cm，由原版的銀色變成初號機的紫綠主色，即時變得好潮。
其實在原作裡面， 三式機龍 原本是自衞隊開發來對付哥斯拉的終極生化機器，由於用了第一代哥斯拉的殘骸去改造，所以在同哥斯拉對打時突然萌生意識，仲反過來暴走破壞城市，同經常暴走的初號機好相似。不過，今次生產商仲會有二號機的紅色塗裝選擇，每個售29,160yen，約港幣二千，其實都算幾貴。