〔 金仔韓遊 〕 首爾站樂天超市 必到三大理由加推介必買品（Part 2）
2015-09-10老實講，如果第一次行 首爾 站樂天超市，面積太大真係好難入手，所以以下就是今年金仔去樂天超市見到的心水物品，逐一為你列出。付款方面，除了現金外，亦都收信用卡。溫馨提示：鍾意食生蟹或醃製食物，記得帶保溫袋同雪種！
凍櫃必買的果味奶，雖然便能店都有，不過在樂天買就平好多，旅行期間做早餐最正。
如果你都似我鍾意食，我會推介你買塊烤肉板，勝在用料好，易清潔過香港買多多聲。
香港好hit的迷你兵團，韓國都有，其中有好多專攻小朋友用的餐具可以揀。
價錢都不算貴，而除了迷你兵團之外，都有好多其他選擇。
留意上方代言人，都教授出沒注意！
有三種口味，以這種牛奶咖啡最好飲。
金仔唔飲酒，但係見到IU真露，點可以放過先。
麻油在韓食入面好重要，所以一定要買，而這個牌子性價比最高，夠平之餘，亦都比香港買到的麻油香。
新推出的即時意粉，味濃夠香份量亦夠大，好味。
近期最熱的薯片，有芝士味及士多啤利味，兩種味都好正，不過金仔覺得士多啤梨甜中帶酸，特別得來更加有風味。
雞泡魚乾都會買，當然並不算平，但如果無時間去其他地方買，唯有在樂天超市買。食法剪條狀放入微波爐細火叮一分鐘，微熱就食得。
在超市內都有醬蟹賣，如果無時間去其他地方買，都可以買，不過價錢當然就…….
道理同醬蟹一樣……
超市內都有嬰兒即食食品賣，價錢都幾抵，買嚟做手信都得。
如果時間許可的話，就可以上埋二樓（超市中間位置有電梯，可推車上去），有玩具、文具、汽車用品、衫褲鞋襪等，有時都會有減價貨，都值得留少少時間（真係少少就夠）去行一行。
韓版玩具反斗城，都有不少韓版玩具賣。
中午去，就會見到韓叔們試用按摩機。
亦都有汽車配件區，唔買都可以睇。
間中都有減價品，好似這對小朋友的Avengers白鞋，9900won(約＄65）有交易。
以為好難睇？近睇都唔算，幾好啊。
減價秋冬裝，又是9900won。
理由二：裝箱夠方便
血拼完之後，又到頭痛拎走問題，其實去首爾站樂天超級市場的另一個原因，就是有紙箱提供！而膠紙、繩等各種工具齊全，自己包好，直接帶去機場寄艙就搞掂，所以包裝時最好分清楚什麼即刻用，什麼可以直接寄艙，就最方便，這個亦都是點解揀行程最後一日去的原因，買得太多可以直接到地面的士站打的走人。
購物之後，就可以拎紙箱裝箱，任拎唔使錢，香港一定做唔到。
包裝只得兩張長枱，好多時都要排隊，而且仲不時聽到廣東話。
梨在韓國又大又甜又抵，買了點帶回港？教你小貼士：將梨拿出全部連保護網反轉，再用膠紙做固定，然後先放回箱，就算手拎定加多紙箱寄艙，都無問題。
理由三：有得做退稅
第三個去首爾站樂天超級市場的原因，就是有得即場做退稅，只要同一日在超市內（收銀後的眼鏡鋪、首飾鋪等不計在內）買滿30,000won就可以做退稅，退稅位在收銀之後最右邊，有大大個「退稅」字樣，好易搵。將收據俾職員，對方會打印一張退稅，然後填好資料，就直接可以拎去機場退稅（之後會再詳細教你機場點退稅，記得留意本網站啦）。
地址：首爾中區蓬萊洞2街 122서 울특별시 중구 청파로 426 (봉래동2가,서울역(철도청))
電話：.+82-2-390-2500
營業時間：10:00至24:00 （退稅櫃位只營業到22:00）
交通：1號線(133)首爾車站或4號線(426)首爾車站 ，1號出口直上扶手電梯至最上層，往右前方步行約兩分鐘。
樂天outlet有驚喜
仲有時間，當然可以行埋旁邊的outlet，老實講，賣的全部都是名牌，就算平極都有限，仲要山長水遠拎返香港，其實都幾「數字」。不過，就算幾無興趣，都一定要上4樓，坐電梯直出，就會見到小型特賣場，劈價劈得都幾狠，好似今次8月去，就見到Levi’s做減價，男裝T-Shirt只賣10,000won一件，去東大門都買不到，仲有好多其他比較後生的品牌都做減價，都只不過10,000won至20,000won之間，絕對有驚喜。
樂天outlet會比樂天超市早關門，所以時間要掌握好。
營業時間
星期一至四 上午11:00至下午09:00
星期五至日 上午11:00至下午10:00
地下好多高級名牌，Sorry，唔多適合我。
4樓特賣場，牛仔褲劈到9,000won（約$59），不過就要慢慢尋寳。
男裝T-Shirt只賣10,000won（約$65），長䄂就賣19,000won（約$124），抵買！