9月9 Apple發布會 告別5c 6同6 Plus減$780？

9 月 9 日開 Apple發布會已經是「鑽」一般的事實，而盛傳今次將會推出 iPhone 6s 及 6s Plus 兩部新機。不過，根據9to5Mac引述知情人士（對，又係知情人士）指出，今次發布會不單是為兩部新機而設，更同時宣布 iPhone 5s 、 6 、 6 Plus 三部舊機，將會減價出售，以 Apple 過往做法，可能情都幾大。

首先是最平的 iPhone 5s ，傳聞將會採用合約制，推出 0 機價賣機。而 iPhone 6 及 6 Plus ，將會各減 100 美元（約$780），至於另一部平價機 5c ，將會同大家講再見，要買相信只有新興市場會繼續賣。另外，傳聞中的 iPhone 6c ，據同一位知情人士講，確有其機，不過可惜組裝方面未能配合，所以9月9日趕不及現身，相信最快要等到 10 月底或 11 月頭才會發布。

來源：9to5Mac